siruppiddy

புதன், 25 ஜூன், 2014

நடனமாடி சாதனை படைத்த இளம் இளம்பெண் (காணொளி, )

அமெரிக்காவில் கை, கால்கள் வெட்டப்பட்ட நிலையிலும் நடனமாடி சாதனை படைத்த இளம்பெண்ணின் செயல் அனைவரையும் வியப்பில் ஆழ்த்தியுள்ளது.
அமெரிக்காவின் ஆரெகான் மாநிலத்தில் உள்ள போர்ட்லாண்ட் என்ற பகுதியில் கியெரா ப்ரிங்க்லி (20) என்ற இளம் பெண் ஒருவர் வசித்து வருகிறார்.
இவர் தனது இரண்டு வயதிலேயே கடுமையான பக்டீடியா தொற்று நோயினால் பாதிக்கப்பட்டதால், இவரது கை கால்களை அகற்ற வேண்டிய நிலை ஏற்பட்டது.
இந்நிலையில் பள்ளிப்படிப்பை தன் சகோதரி உரையாவுடன் சேர்ந்து முடித்த இவர், நடனத்தில் அதிக ஆர்வம் கொண்ட தன் சகோதரியின் நடனத்தை பார்த்து ஈர்க்கப்பட்டுள்ளார்.
எனவே அவரும் நடனத்தில் அதிக கவனம் செலுத்தி, தன் சகோதரியை போலவே நடனமாடி அசத்தி வருகிறார்.
மேலும் தான் மருத்துவமனையில் செவிலியராய் பணிபுரிய வேண்டும் என்பதை பெரிதும் விரும்புவதாக கியெரா கூறியுள்ளார்.
  
மற்றைய செய்திகள்

போலி பாஸ்போட் தயாரித்தவரது53 நாடுகளுக்கு 200 பேரை அனுப்பினோம்!!!

 
போலி பாஸ்போர்ட் மற்றும் விசா மூலம் இதுவரை 53 நாடுகளுக்கு 200 பேரை அனுப்பியுள்ளதாக கைது செய்யப் பட்டுள்ள கிருஷ்ணமூர்த்தி போலீசாரிடம் பரபரப்பு வாக்குமூலம் அளித்துள்ளார். நேற்று சென்னையில் போலி பாஸ்போர்ட், விசா தயாரித்து விற்பனை செய்து வந்த இலங்கையைச் சேர்ந்த 6 பேரை போலீசார் கைது செய்துள்ளனர். கைதான 6 பேரும் நேற்று மாலை கோர்ட்டில் ஆஜர்படுத்தப்பட்டு, நீதிமன்ற காவலில் புழல் மத்திய சிறையில் அடைக்கப்பட்டுள்ளனர். கைதானவர்களை காவலில் எடுத்து விசாரணை நடத்த போலீசார் திட்டமிட்டுள்ளனர்.
   இந்நிலையில், இக்கும்பலின் தலைவனாக செயல்பட்ட இலங்கை யாழ்ப்பாணத்தைச் சேர்ந்த கிருஷ்ணமூர்த்தி போலீசாரிடம் வாக்குமூலம் அளித்துள்ளார். அதில் அவர் கூறியிருப்பதாவது :- 12 ஆண்டுகளாக... நான் கடந்த 2002-ம் ஆண்டு முதல் போலிபாஸ்போர்ட், போலி விசா தயாரித்து விற்கும் தொழில் செய்து வருகிறேன். 2 முறை சிறைக்கு சென்றுவந்தாலும், எனக்கு வேறு தொழில் தெரியாது என்பதால், இந்த தொழிலை விட முடியவில்லை. இலங்கை வாசிகளுக்கு வெளிநாடுகள் கைகொடுத்து வாழ்வு கொடுக்கின்றன. சேவை மனப்பான்மையுடன்... எனவே, பிழைப்புக்காக வெளிநாடு செல்லும் இலங்கைவாசிகளுக்கு, போலி பாஸ்போர்ட் மற்றும் போலி விசா தயாரித்து கொடுக்கும் தொழிலை, இலங்கை மக்களுக்காக ஒரு சேவைமனப்பான்மையுடன் செய்து வருகிறேன்.
இதோடு எனது பிழைப்பும் ஓடுகிறது. சென்னையில் கெடுபிடி... உலகம் முழுவதும் நெட்வொர்க் அமைத்து இந்த தொழில் நடக்கிறது. உலகம் முழுவதும் 53 நாடுகளில் எங்கள் ஆட்கள் உள்ளனர். இந்தியாவில் அனைத்து விமான நிலையங்களிலும், பணிபுரியும் குடியுரிமை அதிகாரிகள் சிலரும், எங்கள் கூட்டத்தில் ரகசியமாக பணியாற்றுகிறார்கள் சென்னை விமான நிலையத்தில் மட்டும் கெடுபிடி அதிகமாக உள்ளது. கணக்கெடுப்பு... போலி பாஸ்போர்ட்டை எளிதில் தயாரித்துவிடுவோம். ஆனால் போலி விசா தயாரித்து, சம்பந்தப்பட்டவர்களை, வெளிநாட்டுக்கு அனுப்புவது மிகவும் கஷ்டமான காரியம்.
சென்னை உள்பட தமிழகம் முழுவதும் அகதிகள் முகாமில் தங்கி இருக்கும், இலங்கைவாசிகள் யார்-யார், எந்த நாட்டுக்கு செல்லவிரும்புகிறார்கள் என்பதை, ராஜன் மூலம் கணக்கெடுப்போம். அவர்களது புகைப்படத்தை வாங்குவோம். போலி பாச்போர்ட்டுகள்... காலாவதியான பாஸ்போர்ட்டுகள், வெளிநாடுகளுக்கு போக முடியாதவர்களின் பாஸ்போர்ட்டுகளை டிராவல்ஸ் நிறுவனங்கள் மூலம் விலைக்கு வாங்குவோம். அந்த பாஸ்போர்ட்டுகள் ஒன்றிற்கு, ரூ.2 ஆயிரம் முதல் ரூ.3 ஆயிரம் வரை கொடுப்போம்.
அந்த பாஸ்போர்ட்டுகளில் உள்ள புகைப்படங்களை நீக்கிவிட்டு, போலி பாஸ்போர்ட்டு கேட்பவர்களின் புகைப்படங்களை அதில் ஒட்டுவோம். அந்த பாஸ்போர்ட்டுகளில் உள்ள முகவரிகளை நீக்கி விட்டு, போலி முகவரிகளை பதிவு செய்வோம். ஆக பழைய பாஸ்போர்ட்டு நம்பரில், போலி பாஸ்போர்ட்டுகள் தயார். காலாவதியாகும் போலி விசா... இந்த போலி பாஸ்போர்ட்டுகளில், போலி விசாவை தயாரித்து ஒட்டி விடுவோம். அந்த விசா மூலம், குறிப்பிட்ட நாடுகளுக்கு பலமுறை சென்றுவந்ததாக, போலி ரப்பர் ஸ்டாம்பு மூலம் போலி பாஸ்போர்ட்டில் பதிவு செய்துவிடுவோம். சுற்றுலா விசா மட்டுமே போலியாக தயாரித்து கொடுப்போம்.
சுற்றுலா விசா 10 நாட்களுக்கு மட்டும் செல்லுபடி ஆகும். அடுத்து காலாவதியான போலி விசாவை காட்டி, குறிப்பிட்ட நாடுகளின் உண்மையான விசாவுக்கு விண்ணப்பம் செய்வோம். புதிய விசா... போலி விசா மூலம் ஏற்கனவே குறிப்பிட்ட நாட்டுக்கு சென்று வந்ததுபோல, பாஸ்போர்ட்டில் பதிவு செய்யப்பட்டு இருப்பதால், அதை உண்மை என்று நம்பி, உண்மையான விசாவை புதிதாக கொடுத்து விடுவார்கள். அந்த விசாவை வைத்து, வெளிநாடுகளுக்கு அனுப்பி வைத்து விடுவோம். குடியுரிமை அதிகாரிகள்... எங்கள் கையாட்களாக செயல்படும் விமான நிலைய குடியுரிமை அதிகாரிகள், எங்களது ஆட்களை சோதனை எதுவும் போடாமல் அனுப்பி விடுவார்கள்.
ஒரு ஆளை அனுப்புவதற்கு, குடியுரிமை அதிகாரிகளுக்கு ரூ.1.5 லட்சம் கொடுப்போம். வெளிநாடு சென்றவுடன், பாஸ்போர்ட் மற்றும் விசாவை கிழித்து எறிந்துவிட்டு, சம்பந்தப்பட்டவர்கள், அகதிகள்போல நடித்து விடுவார்கள். தொழில் ரகசியம்... இலங்கை அகதி என்றால், வெளிநாடுகளில் ராஜமரியாதை கொடுத்து தங்க வைப்பார்கள். பின்னர் காலப்போக்கில், அகதிகள் போர்வையை விலக்கிவிட்டு, குறிப்பிட்ட நாட்டின் குடியுரிமையை பெற்று நிரந்தரமாக, குறிப்பிட்ட நாட்டில் தங்கிவிடுவார்கள். இதுதான் எங்களது தொழில் ரகசியம். இந்த தொழிலை அழிக்க முடியாது. அனுமதி வேண்டும்.... இந்திய அரசு, இலங்கை மக்களை வெளிநாடுகளுக்கு சென்று பிழைப்பு நடத்த, எளிதில் அனுமதிபெற்று கொடுத்தால், இந்த தொழிலை நாங்கள் விட்டு விடுகிறோம். 200 பேர்... கடந்த 2010-ம் ஆண்டு முதல் சுமார் 53 நாடுகளுக்கு 200 பேர்வரை போலி பாஸ்போர்ட் மற்றும் போலி விசா மூலம் சென்றுள்ளனர்.
சென்னையில் இருந்து முதலில் மலேசியா அல்லது சிங்கப்பூர் அல்லது மெக்சிகோ அருகே உள்ள கோட்மாலா என்ற நாட்டுக்கு அனுப்பி வைப்போம். அங்கிருந்து விரும்பிய நாட்டுக்கு செல்வது எளிதில் முடிந்துவிடும். எனது குடும்பம்... எனக்கு 3 மனைவிகள் உள்ளனர். 3 பேரையும் காதலித்து மணந்துள்ளேன். முதல் மனைவி பெயர் சரோஜினி, அவளுக்கு 4 பிள்ளைகள் உள்ளனர். அவள் கனடா நாட்டில் வசிக்கிறாள். 2-வது மனைவி இளவரசி, சென்னை அரும்பாக்கத்தில் வாழ்கிறாள். அவளுக்கும் 4 பிள்ளைகள் உள்ளனர். 3-வது மனைவி பெயர் தனம். புதுக்கோட்டையைச் சேர்ந்த அவள்தான் தற்போது, என்னுடன் வாழ்கிறாள். அவளுக்கு ஒரு மகன் இருக்கிறான். 2-வது மனைவி இளவரசி, என்னுடன் சண்டை போட்டுவிட்டு தனியாக வாழ்கிறாள்.
 
!!மற்றைய செய்திகள் ..

வெள்ளி, 13 ஜூன், 2014

கூத்தாட்டம் போடும் மாணவர்கள்.

யாழ்ப்பாணம் மட்டுமல்ல உலகத்தின் எந்தவொரு பகுதியிலும் அதிக வருமானத்தை ஈட்டித் தரக் கூடியது மதுபானசாலை ஆகும். அந்தளவுக்கு மதுப் பிரியர்கள் நாளுக்கு நாள் அதிகரித்துக் கொண்டே போகின்றனர்.

இந் நிலையில் தற்போது யாழ்ப்பாணத்தில் மாணவர்கள் மதுவுக்கு அடிமையாகும் நிலைமை நாளுக்கு நாள் அதிகரித்து, தமிழினத்தின் கல்வி கவலைக்கிடமாகும் நிலை தோற்றுவிக்கப்பட்டுள்ளது.

இதனால் தன் பிள்ளைகள் எதிர்காலத்தில் பெரியதொரு பதவியில் இருந்து கொண்டு, எங்களை கடைசிக் காலம் வரை காப்பாற்றுவார்கள் என கற்பனையில் மூழ்கியிருக்கும் பெற்றோர்களுக்கு இது ஒரு பெரும் இடியாக விழுந்திருக்கின்றது.

கலாசாரமும் கல்வியும் தான் எமது மூலதனம். அந்தக் கலாசாரம் தற்போது காலாவதியாகிவிட்ட நிலையில், கல்வியும் எம்மில் இருந்து விலகுவதானது எமது இனத்தின் அடையாளங்கள் அனைத்தும் அழிந்து விடும் அபாய நிலையை ஏற்படுத்தி விட்டுள்ளது.மதுபானசாலைகளில் அலைபோதும் மாணவர்களைக் காண்கின்றபோது எங்களை அறியாமலே கண்ணீரில் மிதக்கிறது கண்கள். இப்படியிருக்கும் போது அந்த மாணவர்களின் பெற்றோர்களின் நிலையை நினைக்கவே முடியாதுள்ளது.

இது இவ்வாறிருக்க, மதுவினை விற்று மாற்றான் குடும்பத்துக்கு அழிவை ஏற்படுத்தும் மதுபானசாலை உரிமையாளர்கள், தாங்களும் தாங்கள் சார்ந்தவர்களும் கொஞ்சம் கொஞ்சமாக அழிந்து செல்வதை அவதானிக்காதவர்களாக, சிந்திக்காதவர்களாக உள்ளமை பெரும் கவலையளிக்கின்றது.

புதன், 4 ஜூன், 2014

மட்டுவிலில் நடைபெற்ற வருடாந்த விளையாட்டுவிழா

.யாழ் மட்டுவில் மாதுமை மழலைகள் கல்விப் பூங்காவின் வருடாந்த விளையாட்டு விழா சிறப்புடன் கடந்த சனிக்கிழமை பிற்பகல் 02 மணி முதல் கல்விப்பூங்கா
 மைதானத்தில் இடம்பெற்றது.
இயக்குநர் சி.சிவகாந்தன் தலைமையில் நடைபெற்ற நிகழ்வில் பிரதம விருந்தினராக தமிழ்த்தேசியக் கூட்டமைப்பின் வடமாகாண சபை உறுப்பினர்
 பா.கஜதீபனும் சிறப்பு விருந்தினர்களாக தென்மராட்சி வலய முன்பள்ளி உதவிக்
 கல்விப் பணிப்பாளர் சு.பாக்கியராஜா மற்றும் மட்டுவில் தெற்கு அமெரிக்க
 மிசன் தமிழ்க் கலவன் பாடசாலை அதிபர் வே.சுந்தரலிங்கம் ஆகியோரும் கலந்து
 கொண்டனர்.
இவ் விழாவில் சிறார்களின் மெய்வன்மை நிகழ்ச்சிகளும் கலைநிகழ்வுகளும்
 நடைபெற்றன.
வெற்றி பெற்ற சிறார்களுக்குப் பரிசுகள் வழங்கப்பட்டன.
இந் நிகழ்வில் பழையமாணவர்கள்,ஊரவர்கள்,பெற்றோர்கள் எனப் பலரும் கலந்து கொண்டனர்.
                         
 
 

 

படித்ததில் பிடித்ததுநானும் நீர்வை மகனென்று!!

விளிம்பில் ததும்பும் பனித்துளிகள் சொட்ட‌
விரைவு வானம் கதிர்கள் உதிர‌
முத்திப்பூக்கள் சொட்டும் தேன் உறிஞ்சி
வாழ்க்கையே வாழையாய்ப்போன நம்மூரு
 
பதமரும்ப காத்திருந்து கொய்த குலைகள்
இதமாய் இருக்கை கட்டி – அதிவிரைவாய்
பட்டிமாடு படையிடையே பச்சைய ஊர்வலம்
கண்கொள்ளாக் காட்சி தரணியில் சொற்பம்தான்
 
கோமயம் கோமியம் தெருப்புழுதியுடன் சேர்ந்து
ஊரெல்லாம் மணம் பரவிட உலாவந்தகாலம்
நேற்றுவரை இரகசியமாய் என்னுள்ளிருந்து
பாடாய்படுத்துகின்றன – எழுதிவிட‌
 
புலரும் பொழுதில் அலறும் கண்டாமணியோசை
நாற்திசையும் – கண்விழிக்க கோரும் நாதமாய்
தொலைவில் கதைபேசும் சிறுபறவைகள் ஒலியுடன்
தேனாய் கலந்து காதுகளிற்கு புகும் இன்பம்
 
மாரிமழையில் பிறக்கும் குளங்கள்
என்பள்ளிப்பருவ நீச்சல் தடாகங்களாய்
நினைகையில் மனம் குளிரிது – மீண்டும்
ஊர் திரும்பனோ என்று மனம் ஏங்குது
 
கள்ளிப்பால், நாயுண்ணி, சுடுமுருங்கைக்கொட்டை
எள்ளிநகையாடும் எருக்கலம் பூ திமிர்
சொல்லியடித்து கதைமுடிக்கும் கிட்டிப்புல், கிளித்தட்டு
நெற்றில் தேடினாலும் மீண்டும் கிடையா
 
நேர்த்தியான தடிசேர்த்து ஊர்பாடும் வசந்தனடி
பார்த்திருந்து மகிழ்ந்தது ஊர் கூட்டமாய்
காத்தவராயன் அரிச்சந்திரன் அத்தியார் முற்றத்தில்
நித்திரையற்று முத்திரை பதித்த ஊர் – ஒருகாலம்
 
காளைகளை விரட்டி வீரம்பறையும் இளம்காளைகளை
மாலையிட்டு வரவேற்கும் சவாரித்திடல்
வேனிக்காலத்தில் இதமாய் துவண்டு
தனிப்போர்க்களமாய் மாறிவிடும் அருமை
 
நெய்தல் பாலையாகி ஈச்சம் பழம் கொய்ய‌
எய்யாதவனையும் குத்திப்பதம் பார்க்கும் ஈச்சம்பற்றை
பெய்யாமழைக்கு ஏங்கும் காலம்
வையாப்புகழ் வாய்ந்த பேச்சியம்மன் படையல்
 
மலரும் நினைவுகள் உதிர்ந்திடாவண்ணம்
புலரும் பொழுதினில் உறுதியெடுப்போம்
நிலவும் ஒருமுறை வியக்கட்டும் – பாரும் ஒருமுறை
பறை சாற்றட்டும் – நானும் நீர்வை மகனென்று
 




நவற்கிரி காலநிலை